Search for content, post, videos

4 состојки кои можеби не ги внесувате во доволни количини

Ако јадете добро избалансирани оброци, веројатно сите потребни материи ги добивате во вистинската мерка. Но, луѓето честопати ги прескокнуваат оброците и не се придржуваат до препораките на нутриционистите, кои тврдат дека дневно треба да имаме 5 овошни и зеленчукови оброци.
Лошата исхрана доведува и до недостаток на некои важни нутритиенти како што се влакната, калциумот, калиумот и витаминот Д. Затоа, проверете дали ги внесувате во доволна количина….
1. Влакна
Зошто ни се потребни: Влакната можат да помогнат во превенцијата против дијабетесот тип 2, некои видови рак и болести на срцето. Истражувањата покажуваат дека конзумирањето храна богата со влакна може да го поттикне губитокот на вишокот килограми бидејќи прави подолго време да се чувствувате сита. Меѓутоа, повеќето луѓе јадат само половина од потребната количина влакна кои треба да ги внесеме. Препорачливо е жените дневно да внесуваат 25 гр влакна, а мажите 38 грама. Во секојдневниот живот просечно секој човек внесува само околу 14 грама.
Како да ги внесете во потребната количина: Еден портокал со средна големина (3 гр влакна), цели житарки како што се зобените снегулки ( 3 грама во половина шолја), грашок (6 грама во половина шолја)…

 

 

2. Калциум
Зошто ни е потребен: Калциумот е важен и неопходен за цврстината на нашите коски и заби, но помага и во контракцијата на мускулите, пренесувањето на нервните сигнали, како и крвните садови. На возрасните од 19 до 50 години потребни им се 1000мг калциум дневно, а на жените на возраст над 51 година 1200 милиграми.
Како да ја внесете потребната количина: Млечните производи се добар избор, па така од шолја млеко ќе добиете 300 милиграми калциум или од шолја јогурт 490 милиграми. И темно-лисестиот зеленчук како што е кељот или спанаќот, е исто така добар извор на калциум.

 

3. Калиум
Зошто ни е потребен: Калиумот е неопходен за пренесување на сигналите низ нервниот систем, за контракцијата на мускулите како и за одржување на течноста во клетките. Новите истражувања покажуваат дека е корисен и во одржувањето на нормалниот крвен притисок.
Како да ја внесете потребната количина: Јадете разновидно овошје и зеленчук – тие се преполни со оваа состојка. Меѓутоа, според податоците на американскиот Центар за контрола на болестите, само 32 проценти од возрасните јадат 2 или повеќе овошни оброка, а само 26 проценти ги јадат препорачаните 3 до 5 зеленчукови оброци дневно.

 

 

 

4. Витамин Д
Зошто ни е потребен: Витаминот Д ги топи маснотиите и важен е во изградбата на коските, па воедно е и поврзан со пониската појава на рак и понискиот ризик за заболување од дијабетес тип 1 и мултиплекс склероза. Примерниот начин на кој го добиваме витаминот Д е изложување на сонце. Во зимските месеци, особено во северните краеви, на човековиот организам му недостига овој витамин, па тој недостаток треба да се надокнади.
Како да ја внесете потребната количина: Задолжително престојувајте на сонце, барем 15 минути дневно и јадете храна која изобилува со витамин Д, како што се млекото, млекото од соја и житарките. Витаминот Д го има и во помрсните риби како што се лососот, скушата, сардините, но и во жолчката од јајцето.