Search for content, post, videos

Победи ја анемијата со природна растителна исхрана

Дали брзо се заморувате и имате неправилен срцев ритам? Дали страдате од вртоглавици и главоболки? Дали сте бледи и вашите нокти се во лоша форма?… Сето ова се можни симптоми на анемија, недостаток на железо што погодува голем број луѓе ширум светот. Анемијата е состојба во која крвта не носи доволно кислород до сите делови на телото. Најчесто ги погодува жените кои губат голема количина крв за време на менструацијата. Железото игра многу важна улога во нашето тело. Покрај тоа што е компонента на протеинот на хемоглобинот, кој носи кислород од белите дробови до другите делови на телото, железото ја поддржува работата на нашиот метаболизам, игра клучна улога во функцијата на клетките, здравјето на сврзното ткиво, па дури и производството на хормони.

Победете ја анемијата без внесување месо – Иако постои верување дека само внесувањето на месо и морски плодови може да обезбеди доволно железо во организмот, тоа не е точно. Имено, со квалитетна растителна исхрана може значително да го зголемите нивото на железо, да ја зајакнете крвта, како и да ја победите анемијата.Важно е мудро да ја избирате храната што ќе ја јадете, но важно е и да го зголемите внесот на храна богата со витамин Ц.Имено, овој витамин помага за подобро искористување на железото во организмот – може да ја зголеми неговата апсорпција и до 300 проценти!Заедно со храна богата со железо, јадете портокали и други агруми, пиперки, јагоди, карфиол и брокула и друга храна богата со витамин Ц.

Јадете растителна храна богата со железо како што се:

МешункитеЈадете мешунки како грав, наут, леќа и грашок што е можно почесто. Една чаша наут, на пример, содржи 4,7 мг железо, па не заборавајте да го вклучите во вашето мени. Леќата е исто така многу важна храна богата со железо. Една чаша варена леќа содржи 6 mg железо. Ова е повеќе од половина од дневната препорачана доза на железо за возрасни мажи (8 до 11 mg на ден), и нешто помалку од половина од дневната препорачана доза за возрасни жени (15 до 18 mg на ден). Јадете грав – црн, шарен, црвен или бел. 1 чаша црвен грав содржи околу 15 mg железо. Не заборавајте и на грашокот: 1 чаша грашок може да се пофали со околу 3 mg железо. Сојата и нејзините производи, како тофу, темпе и млеко од соја, исто така се богати со железо, па збогатете ја вашата исхрана со нив.

Семиња и јаткасти плодовиКонсумирајте семиња, како што се тиква, коноп, сусам, сончоглед, ленено семе и јаткасти плодови, како што се бадеми и индиски ореви. Сите тие се одличен извор на железо, а нивната предност е што можете да ги носите насекаде и да грицкате, буквално, во движење. Можете да подготвите вкусни и здрави намази од јаткасти плодови и семки, како путер од бадем (1 лажица = 9,3 mg железо).

Киноа – Оваа псевдожитарка без глутен може да се пофали и со високи дози на железо. Една шолја варена киноа содржи 2,8 mg железо, додека една чаша киноа содржи дури 7,8 mg железо! Но, освен железо, може да се пофали и со други минерали, како и протеини, влакна, сложени јаглехидрати и витамини.

Spinach

Темнозелен лиснат зеленчукТемнозелениот лиснат зеленчук, како што се кељот, спанаќот, листовите од цвекло итн., се исто така одличен извор на железо. Дали знаевте дека 100 гр спанаќ содржи повеќе железо отколку, на пример, јајцата, црвеното месо или лососот? Можете да додадете темнозелен лиснат зеленчук во вашите смути, салати, супи или да уживате во вкусни закуски, како што е чипсот од кељ.

Слатки и обични компириОвој скробен зеленчук треба да се најде во вашата чинија доколку сакате да го зголемите внесот на железо. Најдобро е да ги подготвите компирите, ако можете, со кора бидејќи токму овде има важни хранливи материи. Еден голем неизлупен компир ви нуди 3,2 mg железо, додека чаша печен сладок компир без кора содржи 1,4 mg железо.

Покрај наведените намирници, јадете и сушени домати, авокадо, суви кајсии, смокви и суво грозје, праз, печурки, темно чоколадо, меласа. Сите овие се одлични извори на железо.

С.Ј.